UNAPOFIKA Hospitali ya Gemelli, huko Roma, utambulisho wa nje ni sanamu ya hayati Papa Yohane Paulo II (John Paul II).

Sanamu imesimama nje ya jengo la hospitali, ambako Papa Francis anapokea matibabu

Nje ya hospitali ya Gemelli mjini Roma kuna sanamu kubwa ya mmoja wa wagonjwa wake maarufu, Papa Yohane Paulo II 

Imetengenezwa kwa kigae cha marumaru nyeupe ya ‘Carrara’, ikionesha Papa katika miaka yake ya mwisho ya maisha yake, akiwa ameshikilia msalaba, huku uso wake ukionekana kujaa maumivu.

Madaktari katika hospitali ya Gemelli, walisaidia kuokoa maisha ya John Paul II, baada ya kupigwa risasi katika jaribio la mauaji, lililoshindwa katika uwanja wa Mt. Peter mnamo Mei, mwaka 1981.

Hii ni mara ya kwanza kwa Papa Francis, kutibiwa katika hospitali kubwa zaidi mjini Roma.

Miongoni mwa wagonjwa wa sasa wa hospitali hiyo ni Papa Francis, ambaye alilazwa wiki iliyopita akiwa na maambukizi ya mfumo wa kupumua. 

Amegunduliwa kuwa na homa ya mapafu katika mapafu yote mawili na mwishoni mwa wiki, amegundulika pia ana tatizo la figo, lililo katika hatua za awali.

PAPA JOHN PAULO II

Katika kipindi cha miaka 25 ya upapa wake, John Paul II alilazwa karibu mara 10, wakati mwingine akilazwa kwa muda mrefu. 

Alipata matibabu ya magonjwa mbalimbali, ikiwa ni pamoja na uvimbe wa tumbo, nyonga iliyovunjika na tracheotomy, wakati ugonjwa alipokuwa akiugua ugonjwa wa ‘parkinson’ uliokuwa umefikia kiwango cha juu.

Kwa mujibu wa tovuti ya Medicover, parkinson ni ugonjwa wa muda mrefu wa ubongo unaoathiri seli za ujasiri, kuathiri harakati na nyanja mbalimbali za maisha.

GEMELLI

Kuhusu Gemelli, ni hospitali ya mafundisho ya Kikatoliki, ilifunguliwa katika miaka ya 1960. Ikiwa na vitanda zaidi ya 1,500 vya wagonjwa na ni moja ya hospitali kubwa za kibinafsi barani Ulaya.

Hospitali hii ilijengwa juu ya ardhi iliyotolewa na Papa Pius XI, kwa mwanatheolojia na daktari Agostino Gemelli, mnamo mwaka 1934, imejulikana kama "Hospitali ya Papa."

John Paul II hata aliipa jina la utani ‘Vatican Three’ na Mt. Peter Square kuwa ‘Vatican One’ na makazi ya papa huko Castel Gandolfo, ‘Vatican Two’.

Katika miaka ya 1980, Gemelli alianzisha kitengo maalum cha Papa, ambacho bado kinatumika leo.

MAZINGIRA YA GEMELLI HULINDWA

Akiwa katika matibabu, huwa katika nyumba ndogo iliyopo kwenye gorofa ya 10, yenye rangi nyeupe yenye samani za bei nafuu. 

Ina chumba cha kulala na bafuni, kuna sebule na kitanda pamoja na kiti cha sofa, kwa ajili ya wasaidizi wake na kanisa dogo.

Pia, lina mahali pa kupiga magoti, kwa ajili ya ibada na msalaba mkubwa, na Papa anaweza kuhudhuria au kusherehekea misa na kufanya maombi.

Njia ndefu inayoelekea kwenye chumba hicho inalindwa na polisi wa Jimbo la Italia au Gendarmerie ya Vatican na usalama wa hospitali.

Chumba cha Papa katika hospitali hiyo kimehifadhiwa maalum kwa ajili ya mapapa, lakini wagonjwa wengine wanatibiwa kwenye gorofa moja.

Kuna veranda ambapo Papa anaweza kuonekana kuwasalimu waumini na kufanya sala ya kila wiki ya Angelus.

Mara nyingi waombolezaji hukusanyika katika uwanja nje ya hospitali, ili kuombea afya ya Papa. 

Maua, kadi, picha na mishumaa mara nyingi huwekwa chini ya sanamu ya John Paul II.

HISTOIRIA

Kwa mujibu wa tangazo rasmi, Papa Benedikto XVI hakuwahi kulazwa hospitalini wakati wa miaka nane ya upapa wake, ingawa alitembelea hospitali hiyo wakati kaka yake alipokuwa akipokea matibabu huko mwaka 2014.

Papa Francis, amekuwa akitibiwa katika hospitali ya Gemelli, mara kadhaa. 

Mwaka 2013, alifanyiwa upasuaji kwenye utumbo wake. Alitibiwa kwa ugonjwa wa mafua mnamo Machi 2023 na alifanyiwa upasuaji wa utumbo baadaye mwaka huo.

Mara nyingi amekuwa akionekana akiishukuru timu yake ya madaktari na wafanyakazi wengine wa hospitali. 

Mara ya mwisho alipokuwa katika hospitali hiyo, alimbatiza mtoto mchanga na kushiriki chakula cha jioni cha pizza na madaktari wake, wauguzi, wasaidizi na wafanyakazi wa usalama wa Vatican.

Sala Kwa Ajili ya Kumwombea Baba Mtakatifu Francisko Wakati Huu!

"Kwa waamini na watu wote wenye mapenzi mema wanaopenda kusali na kumwombea Baba Mtakatifu Francisko wakati huu anapoendelea kukabiliwa na changamoto ya afya, wanaweza kuadhimisha Ibada ya Misa kwa ajili ya Baba Mtakatifu “Ad Diversa” inayopatikana kwenye Misale ya Kiroma. Waamini pia wanaweza kusali Sala ya Kanisa kwa kuongeza maombi yafuatayo: Mungu Baba asili ya maisha, tunakuomba, uwe faraja kwa Baba Mtakatifu Francisko!

BBC/VATICAN