KUNA malalamiko mengi yanaweza kutolewa kuhusu soka la kisasa, kutoka kwa wingi hadi kupendekezwa kupungua kwa burudani, lakini hakuna ubishi kwamba mchezo huo bado umebarikiwa na kundi la wafungaji bora.

Hakika, kunaweza kuwa na upungufu wa namba tisa za kiwango cha juu, lakini mageuzi ya kimbinu yanamaanisha kuwa majukumu ya kufunga hayataangukia tu kwa mtu mmoja.

Kwa hiyo, kuna uwiano mzuri kati ya wachezaji wanaocheza namba tisa na washambuliaji wanaoweza kunyumbulika.

Makala haya inawaangalia wafungaji 12 bora kutoka ligi tano bora za Ulaya kwa mwaka 2024.

 Lois Openda (RB Leipzig), Michezo: 33, Mabao: 19

Dakika kwa kila bao: 142

Mazungumzo mengi kuhusu RB Leipzig mnamo 2024 yalionekana kumlenga, Benjamin Sesko raia wa Slovenia mwenye umri wa miaka 21.

Lakini baada ya kucheza vizuri kwenye Ligue 1 akiwa na Lens, Openda amepiga hatua kubwa zaidi. Yeye hodari wa kuongoza mashambulizi. Mbelgiji huyo ana kasi ya kuwaka, lakini pia ni mwenye jicho zuri la bao.

Huku Sesko akifunga mabao 17 katika Bundesliga mnamo 2024, Openda alifunga mabao 19.

Ante Budimir (Osasuna),

Michezo: 33, Mabao: 19

Dakika kwa kila bao: 131

Budimir alitesa kwenye Ligi ya Daraja la Pili ya Ujerumani, Italia na Hispania, lakini mshambuliaji huyo wa Croatia amepata nyumba ya muda mrefu pale Osasuna.

Mchezaji huyo mwenye umri wa miaka 33, alifurahia msimu wa 2023/24 alipofunga mabao 17 kwenye LaLiga. Kiwango chake cha kushambulia kimeimarika tu msimu wa 2024/25 - mabao 10 katika michezo 18.

Vinicius Junior (Real Madrid),

Michezo: 30, Mabao: 19

Dakika kwa kila bao: 118

Namba za Mbrazil huyo labda si za kuvutia ikizingatiwa kwamba watu wengi walidhani alinyimwa tuzo ya Ballon d'Or ya 2024. Vini alifunga mara 19 katika mechi 30 za LaLiga mnamo 2024 na alifanikiwa katika kipindi cha kwanza cha mwaka huku Real Madrid ikitwaa taji lingine la ligi.

Winga huyo bila shaka alikuwa mchezaji bora zaidi duniani kwa muda mfupi baada ya kurejea kutoka kwenye jeraha la paja mwaka mpya, akifunga katika ushindi muhimu dhidi ya Girona na Barcelona.

Idadi ya mabao yake ilikamilishwa na pasi za mabao za mara kwa mara na uchezaji wa kutosha katika hatua ya mtoano ya Ligi ya Mabingwa Ulaya.

Licha ya ujio wa Mfaransa Kylian Mbappe, Vini Jr ameendelea kuthibitisha kuwa yeye bi bora zaidi pale Real Madrid.

Kylian Mbappe (PSG/Real Madrid), Michezo: 29, Mabao: 19

Dakika kwa kila bao: 115

Mbappe alitawala vichwa vya habari vya majira ya joto kwa kukamilisha uhamisho wake uliosubiriwa kwa muda mrefu katika mji mkuu wa Hispania, Madrid, lakini supastaa huyo wa Ufaransa bila shaka hakuanza vizuri Madrid.

Mabao 10 katika mechi 16 za LaLiga ni kurudi kwa heshima, lakini wengine walitarajia namba kama za Erling Haaland za msimu wa 2022/23 katika mwaka wa kwanza. Hata walio bora zaidi wanapaswa kuzoea, na Mbappe amelazimika kuzoea kufanya kazi ili aweze kujiamini.

Kiwango cha mshambuliaji huyo mwishoni mwa 2024 kinaonesha kuwa ana mengi mazuri kwa mwaka 2025.

Mohamed Salah (Liverpool),

Michezo: 31, Mabao: 23

Dakika kwa kila bao: 107

Mmisri huyo yupo kwenye kilele cha ubora kwenye Ligi Kuu England.

Msimu wa 2024/25 hadi sasa, Salah amerekodi michango 30 ya mabao (pamoja na mabao 17) katika michezo 18 ya viongozi hao wa ligi.

Liverpool bila shaka wataweza kunyakua taji lao la pili la Ligi Kuu ikiwa Salah ataweza kukaribia kufikia matokeo yake katika kipindi cha pili cha msimu, lakini winga huyo alipunguza kasi katika kipindi cha mwisho cha utawala wa Jurgen Klopp - hasa kutokana na kuumia kwa misuli ya paja.

Alexander Isak (Newcastle),

Michezo: 33, Mabao: 25

Dakika kwa kila bao: 107

Huyu ni mnyama kwelikweli na ameonesha thamani ya pauni milioni 150 ambayo Newcastle United wanaitaka kama atauzwa. Mustakabali wake unaweza kutegemea ikiwa klabu hiyo itafuzu kwenye Ligi ya Mabingwa Ulaya.

Raia huyo wa Sweden hakika anafanya kila awezalo kulirudisha jeshi la Newcastle kwenye nchi ya ahadi.

Wakati sehemu ya mabao 25 ​​ya Isak ya Ligi Kuu ya England mwaka 2024 yalifika Desemba ambapo alifunga mfululizo.

Jonathan David (Lille),

Michezo: 32, Mabao: 25

Dakika kwa kila bao: 103

Mchezaji huyo wa Kimataifa wa Canada amekuwa na msimamo wa kupachika mabao kwa Lille, na 2024 ilikuwa miezi 12 bora kwa mchezaji huyo mwenye umri wa miaka 24.

David alifuatilia kampeni yake ya Ligue 1 ya mabao 24 kuanzia 2022/23 akiwa na mabao 19 msimu uliopita, na ameanza 2024/25 akiwa na 11.

Alexander Sorloth (Villarreal/Atletico Madrid)

Michezo: 36, Mabao: 25

Dakika kwa kila bao: 85

Hakuna mchezaji aliyejumuishwa kwenye orodha hii aliyefunga mara nyingi zaidi ya Sorloth aliyecheza mara moja Crystal Palace mwaka 2024. Mchezaji huyo mwenye umri wa miaka 29, alifunga bao kila baada ya dakika 85 kwenye LaLiga, huku mafanikio yake mengi akiyapata Villarreal kipindi cha pili cha msimu wa 2023/24.

Sorloth alifunga hat-trick dhidi ya Granada na Real Madrid kabla ya kujiunga na Atletico Madrid majira ya joto.

Bado hajashawishika katika mji mkuu wa Hispania, lakini mshambuliaji huyo wa Norway bado anajua lengo lilipo na mwaka wake wa kalenda uliisha kwa kiwango cha juu sana alipofunga bao la dakika za mwisho na kuwaangusha viongozi wa ligi Barcelona pale Katalunya.

Cole Palmer (Chelsea),

Michezo: 36, Mabao: 26

Dakika kwa bao: 120

Palmer alikuwa na wakati mzuri katika nusu ya kwanza ya msimu wa 2023/24 kabla ya kudumisha uzuri kama huo katika mwaka mzima wa kalenda.

Mchezaji huyo alifunga mara 26 katika mechi 36 za Ligi Kuu England kwa timu ya Chelsea.

Palmer haachi kufanya mambo yafanyike kila mara anapoingia uwanjani, na hakika hakukatishwa tamaa mnamo 2024.

Erling Haaland (Man City),

Michezo: 35, Mabao: 27

Dakika kwa kila bao: 110

Uwezo wa ajabu wa kufunga mabao wa Haaland ni wa kiwango cha juu kwa raia huyo wa Norway wakati wa miaka yake miwili ya kwanza pale Manchester City. 

Alionekana kujiweka kileleni baada ya kuanza msimu wa 2024/25 na mabao matatu katika mechi kumi za mwisho za ligi katika mwaka wa kalenda yanamaanisha kuwa hafanyi masihara langoni.

Robert Lewandowski (Barca),

Michezo: 37, Mabao: 27

Dakika kwa kila bao: 109

Wakati Lewandowski alipunguza kasi kuelekea mwisho wa mwaka na kwa kweli alionesha kutokuwa na ufanisi mbele ya lango, nyota huyo mkongwe alicheza kwa kiwango cha juu zaidi katika miezi michache ya kwanza ya msimu wa 2024/25.

Kulikuwa na dalili za kupungua kuelekea mwisho wa umiliki wa Xavi huko Barcelona, ​​na ushawishi wa raia huyo wa Poland ulikuwa mkubwa. Hata hivyo, awali alitiwa moyo na ujio wa Hansi Flick na amefanya kazi kwa utukufu pamoja na Raphinha.

Alianza msimu akiwa na mabao 14 katika mechi nyingi, lakini ana matatu katika mechi saba zake za hivi karibuni.

Harry Kane (Bayern Munich),

Michezo: 30, Mabao: 29

Dakika kwa kila bao: 89

Kampeni ya kihistoria ya Bayer Leverkusen ilimaanisha kwamba Kane hakukuwa na chake mwaka 2024 baada ya kuhamia Bayern Munich, lakini mshambuliaji huyo aliendelea kufanya kile anachofanya bora zaidi.

Mwingereza huyo alifunga bao la dakika chache tu kila dakika 90 kwenye Bundesliga alipomaliza kampeni yake ya kwanza nchini Ujerumani kwa kutwaa Kiatu cha Dhahabu, na Kiatu cha Dhahabu cha Ulaya na Trophy Gerd Muller.

Hata hivyo, Kane, ambaye ana mabao 14 ya ligi katika mechi 14 hadi sasa msimu huu, hatimaye anaelekea kumaliza ukame wake wa mataji kupitia taji la Bundesliga huku Bayern wakiwa kileleni.