Mwanamuziki nyota wa Bongo Flava, Omary Ally Mwanga, maarufu kama Marioo, ametangazwa rasmi kuwa Balozi wa Bahati Nasibu ya Taifa ya Tanzania. Ushirikiano huo wa kimkakati unaleta matumaini, burudani, na fursa zinazoweza kubadilisha maisha ya Watanzania.

Bahati Nasibu ya Taifa inakaribia kuzinduliwa rasmi huku Kampuni ya ITHUBA, ambayo imepewa dhamana ya kuiendesha kwa kipindi cha miaka nane, ikiahidi kuleta enzi mpya ya ushindi. Lengo lake ni kuhamasisha Watanzania kuamini katika uwezekano wa ndoto zao na kuzigeuza kuwa uhalisia.  


Kauli mbiu ya bahati nasibu hii ni yenye msukumo mkubwa: "Amini. Cheza. Ushinde." Huu si msemo wa kawaida bali ni mwito wa kuthubutu, kuota ndoto kubwa, na kuchukua hatua za kuyafikia mafanikio.  

Akizungumzia jukumu lake jipya, Marioo alisema: 
"Nina furaha kubwa kutangaza kuwa sasa mimi ni Balozi rasmi wa Bahati Nasibu ya Taifa! Huu ni wakati mkubwa—sio tu kwangu kama msanii, bali pia kwa kila Mtanzania anayethubutu kuota ndoto kubwa. Bahati Nasibu ipo hapa kufungua milango, kutengeneza washindi, na kuinua jamii. Najivunia kuwa sehemu ya safari hii!"
 

Mkurugenzi wa ITHUBA Tanzania, Kelvin Koka, alieleza kuwa ushawishi wa Marioo unamfanya kuwa kiungo bora kati ya burudani na michezo ya kubahatisha:  


"Marioo ni zaidi ya msanii—yeye ni alama ya kizazi kipya cha Watanzania wanaothubutu kuamini katika ndoto zao. Nguvu yake, uhalisia wake, na uhusiano wake wa karibu na mashabiki vinamfanya kuwa balozi sahihi wa Bahati Nasibu ya Taifa. Kupitia yeye, tutahamasisha Watanzania wengi zaidi kushiriki kwenye michezo ya bahati nasibu ambayo ni ya haki, ya kusisimua, na yenye uwezo wa kubadilisha maisha."

Hata hivyo, Bahati Nasibu ya Taifa haipo tu kwa ajili ya ushindi wa mtu binafsi—bali ni chombo cha maendeleo kinachowekeza katika sekta ya michezo, kukuza vipaji, na kusaidia jamii kwa ujumla.  


"Tumejidhatiti katika uwazi, ubunifu, na michezo inayowajibika. Kila tiketi inayouzwa inachangia maendeleo ya taifa, kuhakikisha kuwa washindi si watu binafsi pekee bali ni Watanzania wote," aliongeza Koka.  

Ushirikiano wa Marioo na Bahati Nasibu ya Taifa unazinduliwa kwa kampeni kubwa za kitaifa, matukio ya kusisimua, na jackpots za kiwango cha juu ambazo zitawapa mashabiki wake nafasi ya kushinda zawadi kubwa.  


"Mengi mazuri yanakuja! Kuna jackpots kubwa, matukio makubwa, na fursa kwa mashabiki wangu kushinda kama hawajawahi kushinda kabla. Hii ni mwanzo tu—Tanzania, jiandaeni!"  Marioo alidokeza.  


Muda wa kusubiri umekwisha! ITHUBA Tanzania iko tayari kuandika historia na kuleta mabadiliko makubwa kwa Watanzania.  


Kwa kutumia hashtag rasmi #BahatiNasibuYaTaifa na #Inakuja, Bahati Nasibu ya Taifa inalenga kuongeza ushiriki wa kidijitali na kuwahamasisha Watanzania kote nchini kushiriki.