JIMMY CARTER; Rais wa Marekani, pekee kuishi miaka 100

By Mwandishi Wetu , Nipashe

Published at 03:21 PM Dec 30 2024

Picha zote: Mtandao

Jimmy na mkewe Rosalynn Carter, enzi za uhai wao

RAIS wa zamani wa Marekani, Jimmy Carter amefariki dunia akiwa na umri wa miaka 100.

Ameishi muda mrefu kuliko rais yeyote katika historia ya marais wa Marekani.

Kituo alichoanzisha kimethibitisha. Carter alikuwa mkulima wa karanga kabla ya kuwa rais.

Oktoba, mwaka huu, alisherehekea siku yake ya kuzaliwa ya 100.

Kituo cha Carter, ambacho kinatetea demokrasia na haki za binadamu kote duniani, kilisema alifariki Jumapili mchana (jana), nyumbani kwake huko Plains, Georgia.

Alihudumu kama rais kuanzia mwaka 1977 hadi 1981, kipindi ambacho kilikumbwa na migogoro ya kiuchumi na kidiplomasia.

Enzi za Jimmy Carter alipoapishwa kuwa rais

Baada ya kuondoka Ikulu ya White House na viwango vya chini vya idhini, sifa yake ilirejeshwa kupitia kazi ya kibinadamu ambayo ilimletea ushindi wa Tuzo ya Amani ya Nobel."Baba yangu alikuwa shujaa, sio kwangu tu bali kwa kila mtu anayeamini katika amani, haki za binadamu, na upendo usio na ubinafsi," mwanawe, Chip Carter, alisema katika taarifa.

"Dunia ni familia yetu kwa sababu ya jinsi alivyoleta watu pamoja na tunakushukuru kwa kuheshimu kumbukumbu yake kwa kuendelea kuishi imani hizi za pamoja."

Carter, ambaye kabla ya kuwa rais alikuwa gavana wa Georgia, Luteni katika Jeshi la Wanamaji la Marekani na mkulima, ameacha watoto wake wanne, wajukuu 11 na vitukuu 14.

Mkewe, Rosalynn, ambaye waliyeoana kwa miaka 77, alifariki dunia Novemba, mwaka jana.