Rais Samia Suluhu Hassan amepiga kura katika kituo cha Sokoine, Kijiji cha Chamwino Ikulu mkoani Dodoma na kuwahimiza watanzania washiriki ipasavyo na wasivunje amani na matokeo yatolewe kama yanavyosema masanduku ya kura.

Akizungumza leo kituoni hapo, amesema "Nimeona watu ni wengi wamejitokeza, kura hizi ni mtindo wa demokrasia, utamaduni wetu wa kisiasa waende kuufanya kwa salama kwa amani, wasivunje amani yetu."

Rais Samia amesema ni matumaini yake siku ya leo itaisha  salama kwa kuwa hadi sasa mambo yanakwenda vizuri na kwamba matokeo yatolewe kama masanduku yanavyosema.

MGOMBEA Uenyekiti wa Kitongoji cha Stendi Halmashauri ya Wilaya ya Manyoni mkoani Singida kupitia Chama cha Demokrasia na Maendeleo (CHADEMA), George Mohamed, ameuawa kwa kupigwa risasi na watu wasiojulikana.

Kamanda wa Polisi Mkoa wa Singida, Amoni Kakwale, amefika eneo la tukio na kuahidi kuwa Jeshi la Polisi litahakikisha linawasaka watuhumiwa  wote waliohusika na mauaji hayo.

Naibu Waziri Mkuu na Waziri wa Nishati, Doto Biteko akipiga kura katika Kituo cha Kupigia Kura cha Shule ya Msingi Bulangwa wilayani Bukombe Novemba 27,2024. 

Mwananchi wa Kunduchi jijini Dar es Salaam akitafuta jina ili aweze kupiga kura kuchagua viongozi wa serikali za mtaa.

Diwani wa Kunduchi na Naibu Meya Kinondoni, Michael Urio akipiga kura kuchagua viongozi  wa serikali za mtaa katika eneo Kunduchi Shule, jijini Dar es Salaam leo.

MKUU wa Wilaya ya Iramba mkoani Singida, Suleiman Mwenda,ameshiriki Uchaguzi wa Serikali za Mitaa kwa kupiga kura katika kituo cha zahanati ya Kiomboi bomani huku akisema serikali itaheshimu maamuzi ya wananchi kwa  kiongozi yeyote atayechaguliwa.

Akizungumza leo (Novemba 27, 2024) baada ya kupiga kura amesema kiongozi atakayechaguliwa na wananchi atakuwa ndo huyo huyo na kamwe serikali haitaweza kubadilisha matokeo  bali itaheshimu maamuzi hasa kwa kuzingatia Tanzania ni nchi ya kidemokrasia.

Mwenda amesema katika wilaya hiyo kuna jumla ya vituo 393 na vyama vyote vyenye wagombea kuna mawakala na kwamba ulinzi umeimarishwa kwenye vituo vya kupigia kula.

Meya wa Manispaa ya Kinondoni, Songoro Mnyonge, akipiga kura katika Uchaguzi wa Serikali za Mitaa Dar es Salaam leo mtaa wa Kambangwa Kata ya Mwananyamara ambako ndio mtaani kwake.

MKUU wa Wilaya ya Longido mkoani Arusha Salum Kalli ameshiriki katika  zoezi la Kupiga kura kwa uchaguzi wa Viongozi wa Serikali za Mitaa wilayani humo.

Baadhi ya wakazi wa Chamwino Ikulu Mkoani Dodoma wakiwa kwenye foleni ya kupiga kura uchaguzi wa kuwachagua viongozi wa Serikali za Mitaa unaofanyika leo Novemba 27,2024.